Ang Ikaklit sa aming Hardin--Isang Panayam kay CJ de Silva + GIVEAWAY

 ANG IKAKLIT SA AMING HARDIN

Kuwento ni Bernadette Villanueva Neri

Guhit ni CJ de Silva

Salin sa Ingles ni Jennifer del Rosario-Malonzo

Layout ni Jennifer Padilla-Quintos

Inilimbag ng Publikasyong Twamkittens (2012)

 Tungkol sa Aklat

Aklat-pambatang tumatalakay sa mga di-kumbensiyunal at di-tradisyunal na pamilya ang Ang Ikaklit sa Aming Hardin (2012). Partikular nitong tinutuunan ang mga hámong hinaharap ng isang batang may dalawang nanay.

***

Isang Panayam kay CJ de Silva, ang gumuhit sa mga larawan sa libro

1. Ano sa tingin mo ang simbolismo ng bulaklak na Ikaklit sa kwentong ito at sa lipunan natin?

Naku, at the end of the day, siguro, si Det ang makakasagot niyan. Pero siguro, kung ako ang tatanungin, ito ang aking pananaw: Literal na reading ito — ang pangalan ni Ikaklit ay Bontoc para sa sunflower. So sa unang layer pa lang ng kwento (sa pangalan ng bida), ipinangalan na si Ikaklit sa isang bulaklak. So for me, the flowers symbolizes the individual and his relation to his/her family. Naihahalintulad ko ang pag-bloom ng isang flower sa pagmulat ng isang individual sa kanyang society.

2. Ano ang naging karanasan mo sa pag-guhit sa mga larawan sa libro? Masasabi mo ba na na-challenge ka rin dito, at gaano ito ka-espesyal sa iyo?

Napakasaya ng experience ko sa pagiging illustrator ng kwento ni Det. :) Challenge rin dahil first time kong mag-illustrate ng para sa mga bata, so syempre, kailangan kong mag-adjust in terms of colors. Subdued kasi ang color palette ko talaga - earthy and neutrals. Pero dahil para sa bata ang mga illustrations, pinaalalahanan ako ni Det na mas gumamit ng mga bright colors, para attractive para sa kanila. First time ko rin mag-illustrate ng umuulit na mga character, so kailangan kong gawing distinct ang mga features at styling sa mga characters — dapat malalaman mo kung sino si Ikaklit, sino ang mga nanay nya. At sa bawat spread, dapat, consistent ang mga itsura nila. :) Gaano ka-espesyal — syempre sobrang special for me. Una, dahil since college, favorite ko nang kwento ang Ikaklit. :) Pangalawa, napaka-swerte kong pumayag si Det na ako ang mag-illustrate ng kwento. Hindi naman ako talaga illustrator for children’s books. So napakaswerte kong ipinagkatiwala niya sa akin ang kwento. :)

3. Gaano nakakatulong ang mga larawan sa pagpapahayag ng menshae ng librong ito? 

I think, bilang kwentong pambata ito, napaka-visual ng mga bata. Nakakatulong siguro ang mga illustrations para ma-attract ang mga bata na basahin ang kwento.

4. Isang mensahe para sa mga mahilig gumuhit gaya mo?

Magdrawing lang ng magdrawing. At i-try ninyong gamitin ang skill ninyo para makatulong, kahit na sa maliit na paraan. :)

5. At ang mensaheng nais mong iwanan ng librong ito sa mga mambabasa?

Ang kwento ng Ikaklit ay kwento ng acceptance — acceptance na lahat tayo ay iba-iba, walang tama o maling set-up ng pamilya. Wala ring pamilyang perpekto.

***

a Rafflecopter giveaway

***

TUNGKOL SA MGA MANLILIKHA

NAGSULAT

Nagtapos ng MA Filipino: Malikhaing Pagsulat si Bernadette Villanueva Neri sa UP Diliman at BA Mass Communication major in Journalism sa UP Baguio. Kumakatha siya ng mga kuwentong pambata, sanaysay, dula, at maikling kuwentong lesbiyana (na binansagan niyang “naratibô” o naratibo ng mga tibô). Kasalukuyan siyang nagtuturo sa UP Diliman, kasabay ng pagkuha ng duktorado sa Malikhaing Pagsulat sa parehong paaralan. Kasama niya ngayon sa bahay ang limang muning na tulad niya’y mahilig din sa ikaklit at iba pang mga halaman.

 GUMUHIT

Si CJ de Silva ay nakilala bilang Promil Kid sa mga commercial nito noong 90s. Ngayon, si CJ naman ang gumagawa ng mga patalastas bilang Art Director sa isang advertising agency. Hilig pa rin niya ang magpinta at gumuhit.

NAGSALIN SA INGLES

Nanay ng dalawang munting binibi si Jennifer del Rosario-Malonzo. Siya ay isang manunulat, editor, mananaliksik, at aktibista. Nag-aral siya ng peryodismo sa Unibersidad ng Pilipinas at kasalukuyang nagtatrabaho sa isang internasyunal na organisasyon. Mahilig siya sa tula at potograpiya, at nait matutong maggitara.

Si Jennifer T. Padilla-Quintos ay nanay ng dalawang masayahing batang sina Gaby at Joaquin. Isa siyang graphic artist, art teacher at manggagawang pangkultura. Nagtapos siya ng Fine Arts sa Unibersidad ng Pilipinas Diliman.


Para sa mas marami pang impormasyon ukol sa libro, bisitahin lamang ang mga sumusunod:

Panayam sa mga manlilikha

Manunulat (Det). http://www.youtube.com/watch?v=4IHOcloUho0

Gumuhit (CJ). http://www.youtube.com/watch?v=RxEVBijAvTc

Nagsalin sa Ingles (Ate Jeni). http://www.youtube.com/watch?v=nxKiDUJTxSk

Nag-layout (Ate Poti). http://www.youtube.com/watch?v=IHgrzEvcFAo

Mga Video Blurb

Vlad Gonzales (Guro, Kritiko, Manunulat). http://www.youtube.com/watch?v=NdKF9QrQj74

Rose Torres-Yu (Guro, Kritiko, Manunulat). http://www.youtube.com/watch?v=aU9VZjx-zDU

Poti Padilla-Quintos (Nanay). http://www.youtube.com/watch?v=_mGn5kV_5Nc

Ging, Rose & Roni (Rainbow Family). http://www.youtube.com/watch?v=PJSLAweBEbc

Roni (Batang may dalawang nanay). http://www.youtube.com/watch?v=Net09DFwbXs

Teaser

http://www.youtube.com/watch?v=sadP76IWbaw